2024 жылғы 9 қазанда «Қазақстандағы үздік 1С пайдаланушысы 2024» конкурсы басталады
1С Қазақстан 2024 жылғы 9 қазанда «Қазақстандағы үздік 1С пайдаланушысы 2024» конкурсының (бұдан әрі – Конкурс) басталғаны туралы жариялайды.
Конкурсқа ҚР азаматтары болып табылатын жеке тұлғалар – «ПРОФ» деңгейіндегі 1С:АТС Қазақстан пайдаланушылары, «Оңтайлы», «Кеңейтілген», «Бюджет», «БФБ», «1С:Қазақстанға арналған МИБ, ЖС, БК, СК, ПИК 1С:Бухгалтериясы. ПРОФ» тарифтері бойынша 1С:Fresh пайдаланушылары қатыса алады.
Конкурсқа қатысушыларды бухгалтерлік және салықтық есепке алу, «1С:Бухгалтерия для Казахстана» («Қазақстанға арналған 1С:Бухгалтерия») бағдарламасы мен 1С сервистерін пайдалану тақырыбындағы тестілеу, кейстер және әртүрлі тапсырмалар күтеді.
Конкурсқа қатысуға «1С:Бухгалтерия для Казахстана» («Қазақстанға арналған 1С:Бухгалтерия») бағдарламасы бойынша өз білімін тексергісі, жаңа дағдыларды меңгеріп, 1С сервистері туралы білгісі келетін 1С пайдаланушылары шақырылады.
Конкурсқа қатысу – бұл кәсіби дағдыларды тексеру мен жаңа білім алу тәсілі ғана емес. Жанды шығармашылық атмосфераның арқасында қатысушылар іскерлік ортада жаңа адамдармен танысады, пікірлестермен қарым-қатынас жасайды, тәжірибе алмасады және «1С» кәсіпқойларының достық қоғамдастығының бір бөлігіне айналады. Қатысушыларды жаңа адамдармен танысу және әріптестерімен жақсы қарым-қатынас жасау күтеді.
Конкурс мынадай үш турда өткізіледі:
- its.1c.kz ақпараттық ресурсында тестілеу түрінде онлайн-форматтағы алғашқы іріктеу туры (2024 жылғы 9 қазан – 2024 жылғы 15 қараша).
- Астана, Алматы, Өскемен, Қарағанды, Петропавл қалаларында көзбе-көз/офлайн форматтағы екінші тур (болжамды күні – 2024 жылғы 6 желтоқсан, дәл күні Конкурстың сайтында (thebest.1c.kz) көрсетіледі).
- Астана қаласында көзбе-көз/офлайн форматтағы ақтық тур (болжамды күні – 2025 жылғы 6 ақпан, дәл күні Конкурстың сайтында (thebest.1c.kz) көрсетіледі).
Алғашқы іріктеу турының нәтижелері бойынша екінші турға 100-ден кем емес Конкурсқа қатысушы іріктеп алынады.
Екінші турдың қорытындысы бойынша финалға 10-нан кем емес Конкурсқа қатысушы іріктеп алынады.
Ақтық турдың қорытындысы бойынша 3 жеңімпаз – 1, 2, 3-орын айқындалады.
КОНКУРСТЫҢ ЖҮЛДЕ ҚОРЫ
- 1-орын – бас жүлде: автомобиль және «Қазақстандағы үздік 1С пайдаланушысы 2024» жеңімпазы атағы;
- 2-орын – 700 000 теңге және «Қазақстандағы үздік 1С пайдаланушысы 2024» конкурсының күміс жүлдегері атағы;
- 3-орын – 300 000 теңге және «Қазақстандағы үздік 1С пайдаланушысы 2024» конкурсының қола жүлдегері атағы.
Конкурсты ұйымдастырушы Қазақстандағы «1С» сауда таңбасының өкілдігі – «ИнфоСофтПром» ЖШС болып табылады. 1С жетекші серіктестері Конкурс өткізілетін орталықтар болып табылады, Өткізілетін орталықтардың тізімі Конкурстың сайтында (thebest.1c.kz) жарияланған.
КОНКУРСТЫ АҚПАРАТТЫҚ ҚОЛДАУ
Конкурсқа қатысушыларды сервистік қолдау konkurs.its@1c.kz e-mail-і арқылы жүзеге асырылады.
Конкурс бойынша егжей-тегжейлі ақпарат https://thebest.1c.kz/ сайтында.
Конкурс туралы ереже сілтеме арқылы.
КОНКУРСТЫ ӨТКІЗУДІҢ ЖОСПАР-КЕСТЕСІ
(күндер өзгеруі мүмкін, дәл күндер thebest.1c.kz Конкурстың сайтында көрсетілген)
|
Басталуы |
Аяқталуы |
Алғашқы іріктеу туры (онлайн) |
2024 жылғы 9 қазан |
2024 жылғы 15 қараша |
Алғашқы іріктеу турының нәтижелері – екінші турға өткен қатысушыларды айқындау |
2024 жылғы 18 қараша |
2024 жылғы 26 қарашаға дейін |
Екінші тур (өткізілетін орталықтарда көзбе-көз) |
2024 жылғы 6 желтоқсан |
2024 жылғы 6 желтоқсан |
Екінші турдың нәтижелері – ақтық турға өткен қатысушыларды айқындау |
2024 жылғы 7 желтоқсан |
2024 жылғы 30 желтоқсан |
Финал және конкурстың қорытындысын жариялау |
2025 жылғы 6 ақпан |
2025 жылғы 7 ақпан |