1С:Кәсіпорын 8.3. Бағдарламалауды үйретуге арналған нұсқа

"1С:Кәсіпорын" бағдарламалар жүйесі әртүрлі қызмет салаларындағы кәсіпорындарда басқару мен есепке алуды автоматтандыру үшін кеңінен пайдаланылады, оның негізінде 1 000 000-нан астам ұйымда қолданылатын жүздеген қолданбалы шешім жасалған. Бұл жүйенің шешімдерімен жүздеген мың АТ-маман жұмыс істейді. Өзінің алдыңғы ізашарларымен салыстырғанда "1С:Кәсіпорын 8" жүйесі анағұрлым күрделі міндеттерді шешуге мүмкіндік береді, жоғары масштабталуды қамтамасыз етеді және әзірлеушіге қолданбалы шешімдер жасау үшін құралдардың кең жинағын ұсынады.

"1С:Кәсіпорын 8.3. Бағдарламалауды үйретуге арналған нұсқа" – бұл "1С:Кәсіпорын 8" бағдарламалар жүйесімен танысқысы келетін және конфигурациялау әдіс-тәсілдерін: метадеректердің құрылымын жасау мен өзгертуді, бағдарламалық модульдер жазуды, диалогтер мен интерфейстерді әзірлеуді, қолданбалы шешімдерді әкімшілендіруді үйренгісі келетін пайдаланушылардың кең тобы үшін қолжетімді шешім.

ыңғайлы – аппараттық немесе бағдарламалық қорғауы жоқ
өз конфигурациясын жасауға болады
кез келген қолда бар конфигурацияны зерделеуге болады
кез келген қолда бар конфигурацияны, оның ішінде кәсіпорынды автоматтандырудың шынайы міндеттері үшін пысықтауға болады
пайдаланушылардың шынайы есепке алуды жүргізуі үшін кәсіпорында пайдалануға болмайды

"1С:Кәсіпорын 8" платформасының оқу нұсқасын https://uc1.1c.ru/uchebnaya-versiya-1s/ сілтемесі арқылы жүктеп алуға болады

Тіркелген пайдаланушылар https://users.v8.1c.ru пайдаланушыларды қолдау сайтынан "1С:Кәсіпорын 8" платформасы оқу нұсқасының жаңартуларын жүктеп ала алады

Бағдарламалауды үйретуге арналған нұсқаның шектеулері:

деректердің саны шектеулі:

шоттардың кестелеріндегі жазбалардың ең көп саны 2000;
объектілердің басты кестелеріндегі жазбалардың ең көп саны 2000;
объектілердің кестелік бөліктеріндегі жазбалардың саны 1000;
жазбалардың жинақтарындағы жазбалардың саны 2000;
сыртқы дереккөздерден жазбалардың саны 200;

клиент-сервер нұсқасында жұмыс істеуге қолдау көрсетілмейді;
үйлестірілген ақпараттық базалардың жұмысына қолдау көрсетілмейді;
COM-қосылысқа қолдау көрсетілмейді;
пайдаланушылар үшін құпиясөздерді пайдалану және операциялық жүйені аутентификаттау мүмкіндігі жоқ;
кестелік құжаттарды басып шығару мен сақтауға Конфигуратор режимінде ғана қолдау көрсетіледі;
1С:Кәсіпорын режимінде кестелік құжаттың біреуден артық ұяшығы ішіндегісінің көшірмесін жасауға қолдау көрсетілмейді;
оқу нұсқасының тезәрекеттігі "1С:Кәсіпорын 8.3" коммерциялық нұсқасына қарағанда төмен;
конфигурацияның қоймасымен жұмыс істеуге қолдау көрсетілмейді;
конфигурацияны жеткізуге байланысты функционалдылық қолжетімсіз;
ақпараттық базамен бір мезгілде жұмыс істеу сеанстарының саны бір сеанспен шектелген;
бөлгіштердің мәндері бөлгіштің осы типі үшін үнсіз келісім бойынша мәндермен беріледі.

Бағдарламалауды үйретуге арналған нұсқаны пайдаланушыларды қолдау үшін https://DevTrainingForum.v8.1c.ru мекенжайы бойынша Интернет-конференция ұйымдастырылды

Өнім:

Экономикалық және техникалық мамандықтардың студенттеріне – оқу бағдарламалары шеңберінде және өз бетінше "1С:Кәсіпорын 8" ортасында бағдарламалауды игеру үшін.
Енді бастап жатқан бағдарламашыларға – "1С:Кәсіпорын 8" платформасымен танысу, метадеректердің құрылымын конфигурациялау, жасау және өзгерту әдіс-тәсілдерін үйрену, бағдарламалық модульдерді жазу, диалогтер мен интерфейстерді әзірлеу, қолданбалы шешімдерді әкімшілендіру үшін.
ЖОО-лар мен мамандандырылған курстарға – өздерінің оқу бағдарламаларын дамыту және оңтайландыру үшін.
АТ-бөлімшелердің басшыларына – "1С" бағдарламашылары мен енгізушілерінің лауазымдарына ізденушілердің конфигурациялау
әдіс-тәсілдерін меңгеру деңгейін бағалау үшін ұсынылады.